ټیک ټاک په نړۍ کې د ځوانانو ترمنځ په زړه پورې اپلیکېشن دی، د دې اپلیکېشن څښتن وایي، د ټیک ټاک په نوم د نوي زیرک ټلیفون د جوړولو په لټه کې دی.
د پایننشل ټایمز د یوه رپورټ په حواله چې وايي، دا کمپنۍ د زیرک ټلیفون په جوړولو بوخته ده، او له یوې چینايي کمپنۍ سره یې په دې اړه خبري کړې دي.
دا د حیراني وړ نه ده، چې دا زیرک ټلیفون به د بایټ ډانس له اپلیکېشنونو څخه ډک وي.
تر اوسه د دې ټلیفون د مشخصاتو، او مارکیټ ته د وړاندې کولو وخت نه دی په ډاګه شوی، خو ویل کیږي بایټ ډانس کمپنۍ د ډیري مودې راهیسې د داسې یو زیرک ټلیفون د جوړېدو هیله درلوده.
بایټ ډانس کمپنۍ په دې اړوند له نظر ورلو څخه ډډه کړې.
دا چې دا ټلیفون به څومره کامیاب وي، تر اوسه مالومه نه ده، خو د ډیریو انټرنیتي کمپنۍ ټلیفونونه ځکه ناکامیږي، چې د نورو سهولتونه ترڅنګ د کمپنۍ په خدماتو ډېر تمرکز کیږي.
د امازون کمپنۍ فایر ټلیفون هم له دې امله ناکام شو، چې د فېسبوک ایچ ټي سي یې هم د خلکو توجو را جلب نه کړای شوه.
دغو دوو کمپنیو د ټلیفون د سافټ ویر نیمکړتیاوي له پامه غورځولې وې.
امکانات دا دي، چې د ټیک ټاک ټلیفون شاید د امریکا او اروپا پر ځای د چین او هندوستان هېوادونو کې ځکه ډېر استعمال شي، چې دلته د ټیټې بیې ټلیفونونه د ډېرو خلکو توجو را اړوي.
